Har saal 8th March ko International women’s day manaya jaata hai. Kya kabhi kisi ne socha hai ki women’s day kyu manaya jaata hai? aakir iski history kya hai?

1908 me hazaron aurton ne morcha nikala unke shoshan ke khilaaf, kaam ki jagah behtar banana ke liye, behtar tankha ke liye aur voting rights ke liye. Wo uthi thi nainsaafi ke khilaaf kyonki mahilao ko kaam karna ki rights nahi thi, Employment, Equal pay, property own karne ke rights nahi the. Unhe baccha paida karna hai ya nahi yeh bhi unke husband hi decide karte the. Agar unko kahi kaam par rakha bhi jaata tha toh agar woh ek aurat hai toh usse kam pay kiya jaata tha.

1909 me united states ne pehla mahila divas 28 feb ko manaya

1910 me Clara Zetkin ne doosre kaamgaar mahilaon ke antarrashtriya vishwa sammelan me 8 th March ko antarrashtriya mahila din ghoshit karne ka prastaav rakha. 17 county ki aurto thi 100 se jada aurto ne is prastaav ko mana.

1975 me saamuhik rajya (United Nations) ne pehli baar antarrashtriya mahila din manaya.

Antarrashtriya Mahila Din aurton ke sangharsh ka success manane waala din hai. Kya itne struggle ke baad hame 8 march jaise din ko kuch coupons and discount ya bahar ghum ke celebrate karna kya yeh sahi hai?

Itni ladaai hone ke baad aaj bhi hame freedom poori tarah se nahi mila hai. Aaj bhi hum girls and boys ko equal nahi maante. Aaj jab equality, safety aur education ki baat karte hai ladki ke liye toh aaj bhi hum hamari soch wohi hai. 1975 mein jaise ki mene kaha tha woh fight equality ke liye hui thi aaj agar hum dekhe toh equality aaj bhi utni jagah nahi hai. Ladkiyo ki
shaadi chhoti umar mein ki jaati hai, Unki padhai rok di jaati hai taake woh ghar ke saare kaam seekh sake. Saare restrictions hum ladkiyon par hi lagaate hai. Unke job par jaane se bhi roka jaata hai. Shaadi ke baad husband decide karte hai ki unhe job karne dena hai ya nahi.

Itne struggle ke baad bhi hum wahi mod par aagaye hai. Ab hum safety ki baat kare toh ladki ki safety ki itne samasyaye ho rahi hai, rape, acid-attack itne badh gaye hai. Har roz ham newspaper mein yahi padne milta hai. Agar hum education ki baat kare toh aaj bhi kayi chhote chhote gaav hai jaha schools nahi hai waha ladko ko toh dur bhej diya jaata hai padne par agar ladki hai toh nahi. Use ghar par kaam kara ya jaata hai.

Kya aap ne manse maana hai ki women’s equal hai? But aaj kal itne special din ek regular din ki tarah manaya jaata hai ki kuch hame dukaano me discounts, husband aur boyfriends hume bahar gumaakar is din ko celebrate karte hai. Kya is din ka itna hi meaning hona chahiye? Humari struggle khatam nahi hui hai. Hum baraabari ke liye apni awaaz uthate rahenge.

Kulsum Shaikh