MERI NAZAR SE DEKHO TO…..

-SAYED AQUIB KAMAL

Ye hamare desh me ho Kya rha hai ?  Har taraf logo ka hujum hai, log apne saare  kaam kaaj chod kar,  students apni pdhai chod kar, protest kr rhe Hain,  aakhir kiyu?????

Ek desh ki pehchan us me rehne wale logo/nagrikon se hoti hai,  hamare desh ki halat kch is trah Hai k hume azadi mile 70 saal hogye aur Hume ab tak ye pata nhi Chala kaun hamare desh ka nagrik hai, aur kaun nhi?? Takribn 70 saal pehle humne badi qurbaniyo ke bad apne desh ko angrezo se Azad karwaya tha aur aaj apne hi logo ke hatho tanashahi jhelni pad rhi hai.  Ye tanahshah kaun log Hain? Inhe ye adhikar kisne Diya? To is ke piche bhi hum hi log aate Hain, kiyu k inhe vote de k humne hi jitaya Hai. ye wohi log Hain, Jo humse vote mangne haamare gharo tak aajate the, humse jhutte Wade krte the aur aj  jb humne inhe kuch krne ka mauka Diya hai to ye Ulta hum se hi sawal kar rhe  hain. Hamari hi nagrikta khatre me hai. jis ka vote le k is muqam pe pohnche ho, use hi nagrik nhi Mann rhe. Aakhir kiyu? Us waqt kiyu nhi mangi Gai pehchan.

Ab aate Hain hum NRC pe, To pehla sawal ye k NRC Kya hai ? NRC – National Registration of Citizen. Kya is ki zrurt thi abhi ? Hamare youth jinhe hum Apna future kehte hain wo berozgar ghum rhe hain, haamare students Jo pdh likh kr is desh ki taraqqi me hamara hath batayenge hum unpe hi zulm kr rhe Hain? Jo bhi faisla hoga, aj hoga but us ka asar to hamare youth par hoga.

NRC abhi tak sirf Assam me hua hai Jo ek chota sa state hai as compare to dusre states,  usme 19 lakh logo ka NRC list me naam nhi aaya, ek chote se state ka yeh haal hai, pure Hindustan me krenge to Kya hoga ????

NRC me Hindu, Muslim, Sikh ya dharam k naam pe nhi balk har aadmi is k zadd me aayega. hamare desh me bht se log itne garib Hain Jo paida to Hindustan me hue hain but un k  pas sir chupane k liye chat nhi hai, wo kbhi kahin to kbhi kahin rehte Hain. Mazdur tabqa log, un k rehne khane aur degur basic needs pure nhi hote wo Kahan se layenge kagaz???

Aur hamare desh me kuch nah kuch natural calamities hoti rehti hain usme jaani, maali nuksan k sath sath kagazi nuksan bhi hota hai. Kahin dur nah jate hue hum apne mumbra shaher me hi dekhte hain,   26 July 2005 me flood aaya tha jisme pura Mumbai paani paani hogya tha, us flood me pure Mumbra ko bht jaani, maali or kagazi nuksanhua. Jin k  ghr nichle manzilo par the, un k saare kagzat ya to beh gye ya Puri trah bheegg ke kharab ho gye. Wo log Kahan se layenge kagzat ????? 4th April 2013 ko Mumbra me shill k pas ek 7 manzila building giri jisme 74 logo ki jaane gai aur takribn utne hi log isme zakhmi hue. Jo mar gye wo to Bach gye unhe kagzat ki zrurt nhi but jo zinda Hain aur usi building me rehte the wo us dher me se apne kagzat kaese layenge ???? Ye to baat Hui hamre chote se  shaher ki, pure desh me dekhenge to isse bade bade hadse hote rehte Hain. Aur media se ye appeal krni hogi ke ab jaani, maali nuksan k sath sath kagazi nuksan ka bhi sb ko  bataya jaye, itne logo ka kagzi nukasan hua  tha ab wo aage apne aap ko Hindustani kaise keh sakenge?

NRC abhi tak srf asam me hua hai, usme sirf garib ya sirf musalman nhi balk un shaksiyat ki family bhi aai hai Jo hamare desh me A’ala auhde pe faiz the, ya hamare desh k liye jinhone qurbani di hai. Jisme hamare 5th president of India bhi shamil Hain, Fakhruddin Ali Ahmed Jo k desh k president reh chuke hain aur president Jo hota hai, wo apne desh ka pehla nagrik hota hai but hamare yahan alg hi kch chal rha hai president ki family hi NRC list me nhi hai. In k sath ek aur naam hai syeda Anwara Taimur Jo k Assam ki CM reh chuki hai un ki family bhi NRC me nhi aati hai, iska mtlb Kya hai ab tk hamre desh me hukumat baheri log Chala rhe the, chaliye ye to neta or bade log hogye ab aate Hain hamare desh ki shannn Jane wali hamari Army par Mohammed Sanaullah, Jo k kargil war me Pakistaniyo se lade the apni jaan ki bazi laga di, aj unka naam bhi NRC list me nhi hai, to iska hum Kya mtlb nikale?  jinhone Apna waqt, apna sb kch is desh ko pe Qurban Kiya, aaj us k sile me hum unse un ki nagrikta bhi Chin le.

Bht baaten ho gai NRC pe ab aate Hain CAA par, actually CAA Kya hai? Abhi CAA kiyu laya ja rha hai ? CAA ko hum agr positive way me dekhen to ye wo kanoon hai jisne saare Hindustaniyon ko, saare logo ko ek sath, ek juth laaya. Akhir hamari sarkar ko kiyu nhi dikh rha, jb saare log vakeel, doctors, hamari maa behne yahan tk k bacho ko bhi pta hai k Jo samwidhan ka preamble hum bachpan se pdhte aarhe hain, ye to usi k khilaf hai. Samwidhan article 14, 15 k khilaf jate hue, pehli koi  kanoon dharam k adhar pr banaya gya hai. Hamare Home Minister Amit shah ka kehna hai k ye kanoon nagrikta dene k liye hai lene k liye nhi, to koi unhe ye puche jo hamre desh me hai pehle unhe nagrikta milni chahiye ya dusri jgah se aane walo ko. Aap CAA k zriye sb ka istaqbal kr rhe hain Hindustan me, unhe nagrikta de rhe Hain jb hum itne saaro ko de skte Hain to thode se aur kiyu nhi???? Kiyu ek ya do dharam ko choda ja rha hai ??? Agr koi dub rha ho usme hum Muslim aur yahoodiyo ko chod kr Baki sb ko bachayenge. Aakhir kiyu jb aap bachane nikle ho, zulm khilaf ladne aur mazlumo ko asra dene nikle ho to ye dharam ka naam Kahan se aaya ?

Ab conclusion pe aate Hain aur CAA aur NRC ko ek sath ek trazu me rkh k dekhte hain. Humne suna hai bachpan se ek muhavra ” zrurt ejad ki maa hai”, bs aesa hi kch ho rha hai hamare yahan bhi. Ab tk ye muhavra srf science field me istemal hota tha but aj se ye politics me bhi istemal hone laga.

To chronology smjhte Hain pehle Assam me NRC laya gya  phr usme Hindu-muslim saare log gye (19 lakh log) detention center pohnche, jisme majority non-muslim thi. Ab sapna dekha or dikhaya tha Hindu rashtra ka aur Hindu hi detention center me hain to sapna kaese pura hoga, to unhe zrurt pdi kch aese kanoon ki jisse Hindu baher aajaye, usse un ki vote bank ki politics bhi chal padegi aur sapna bhi pura hoga, to aam  k aam ghutliyo k dam. Phr aaya samne CAB aur aate hi CAB se CAA ban gya. Isme ye tha k Hindu, Sikh, Buddhist, Jain, Parsi or Christian ko nagrikta mil jayegi. But hum gaur den to pta chalega k Jo 19 lakh log detention center me hain wo bhi un k  hisab se baheri hai, hamare desh k nhi hain. To CAA un pe  bhi lagu hoga, agr CAA un pe bhi lagu hota hai to 19 lakh me se saare non- Muslim jo bhi un 5  community se belong krte hain wo baher aajayega, use nagrikta di jayegi. Aur bachega kaun under?????????  Iska jawab Dena zruri nhi hai kiyu k iska jawab hum Kya saara desh janta hai.  Aap Chronology smjhiye wo chahte Hain saanp bhi mare aur lathi  bhi nah tute.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s