Kaise Hone chahiye hamare teachers

Aaj ki padhai mein aur pehle ki padhai mein bohot zyada farq hai. ye farq kuch students ki wajah se hai aur zyadatar kuch teachers ki wajah se bhi hai. jinhe zimmedaari hai bacchon ko padhane ki,Teachers bas iss baat par dhyaan dete hai ki hamara portion complete ho jaaye. Students ko unki teaching se koi knowledge mile ya na mile unhe koi farq nahi padta.

Parents khud hi zara gour kare ki jo parents apni padhai poori nahi kar paaye, sirf teesri ya chauthi tak padhe hai, wo padh likh sakte hai, par aaj ke school jaane wale students mein hume nazar aata hai ki bacche jo saatvi me hai, wo theek se likh padh nahi sakte. Bhale hi pehle ke logo ne kam padhai kii, lekin accha padhe hai. Aaj ke daur ke education mein quality nahi hai. 

Kuch logo ka aisa mana hota hain ki bacche study mein acche nahi hain acche marks nahi score karte  nahi  unka dimag accha nahi hain weak student hain etc But intelligent hona aur reading aana do alag alag baate hain bhale hi baache intelligent na ho but unhe reading aane chahiye. akhir woh seekh kya rahe hain school se. students ka basic hi bahut weak hain jis ki wajha se unhe higher education mein bahut mushkil hoti hain  yeh problem aaj kal ke school aur school me honi waali padhai ki wajah se  hain.

Mumbra mein aisa bhi dekha gaya hain ki 10^th ya H.S.C pass ya Graduation padh rahi ladkiyon ko teaching ka job diya jaata hai.  Inhe teaching ka koi experience na ho tab bhi inhe select kiya jaata hai. Urdu medium se padhe hue logon ko English medium ke student ko teaching de rahe hain.

Zimmedaar kaun?

Koi insaan school kyon shuru karte hai, Mumbra ke kai schools dekhkar school ek karobaar (business) hi lagta hai.

School kaheen bhi shuru ki jaati hai, building me kiraye ke kuch kamre le kar jr kg, sr kg se shuru karte hai, aise jagah jahan school jaisa koi mahaul nahi hota. Kai school aise hai jahan khelne ke liye koi jagah nahi hai aur aap paas me gandagi padi hai jiske liye school ki khidkiyan band rakhni padti hai. .

Kai schools teachers ko Rs. 2500 se Rs. 5000 ki salary dete hai. Is tankha par sirf jinko aur koi kaam nahi, ya jo students apna kharch nikalne ki koshish kar rahe hai, aise hi teachers milenge. Aise log padhane aate hai jo sochte hai ghar baithne se accha hain kuch paise kama liye jaye.

Management jab school shuru karte hai aur teachers jab padhane ki zimmedaari lete hai, to unki soch honi chahiye ki unke school ke students kamiyab insaan banker aage chal kar desh ka naam roshan kare  naki srif paisa kamane ke liye baacho ko padhye.

“SCHOOL IS THE SECOND HOME FOR THE CHILD”

CONCLUSION:

Education kamiyabhi ki seedhi hain agar seedhi kamjor hogi toh manzil taq ka saraf kaise tay karenge. Student’s school me sirf books ki knowledge nahi, balki aur bhi bahut se cheez seekhte hain jiase ke zindagi me education ki ahmiyat, Life me zaroori values, acha insaan banne ki seekh, etc.

School me teacher’s ek bahot hi ahem role nibhati hai. Isliye management ko chahiye ke who school teaching job ke liye apply karne wale candidates ka entrance exam le based on sayllabus  knowledge  and personal interview jisse se teacher ke personal thought pata chale.

Mangagement ne samajhna chahiye ki wo desh ki tarakki ke liye foundation taiyyar kar rahe hai aur is zimmedaari ko nibhane ke liye bacchon ko padne ka mahaul taiyyar kare, ache classroom, ache padhane waale teachers, science lab, library, playground. Har cheez jo RTE Act, 2009 me batayi gayi hai.